服務條款

適用於使用 CardRush.bid(下稱「本平台」)。付款或註冊即表示你同意呢份條款。最後更新:2026-11-11。

服務範圍

本平台提供香港卡牌上架、競標同一口價工具。實物真偽、品相、交收同款項安排由買賣雙方自行確認同負責。本平台唔保證成交,亦唔代管貨款(會員費同加購除外)。

會員訂閱

Premium 同 Supreme 經 Stripe 以港幣收款。Premium 首月 HK$8,之後每月 HK$79。Supreme 月費 HK$319;半年套餐 HK$1699、一年套餐 HK$2999。月費、半年同一年都係訂閱:到期會自動按下一個同期套餐收費,直至你取消。Stripe 會電郵收據,並可發出即將到期/即將扣款通知。如唔想續會,請喺到期前到「管理訂閱」(Stripe Customer Portal)取消。取消後特權用到期末,唔會即刻停,亦唔會退還已過嘅期。Supreme+ 由管理員出 invoice,規則以當時發票為準。

加購

上架位同置頂包加購係一次過付款,款項入帳後額度即時加入帳戶,唔會隨訂閱取消而自動退款。

付款

付款由 Stripe 處理。付款頁可能顯示信用卡、Apple Pay 或 Google Pay(視乎你部裝置同綁卡)。你有責任提供正確帳單資料。

帳戶同上架

你須提供真實資料,遵守本平台規則,唔可以上載侵權、違禁或誤導內容。本平台可以移除違規上架、限制或終止帳戶。舉報同意見可經 listing 舉報或意見回報提交。

責任限制

喺法律允許範圍內,本平台對買賣糾紛、資料延誤、系統中斷或第三方付款服務問題,唔承擔間接或衍生損失。

條款更新

本平台可以更新呢份條款。重大變更會喺本頁顯示更新日期。繼續使用即視為接受更新後條款。

聯絡

有問題請用意見/Bug 回報,或經本平台已公布嘅聯絡方式查詢。

返回會員方案 · 關於我們 · 常見問題